Semîner: Serhildana Şêx Ubeydullahê Nehrî

Babet: Çalakî

8ê adarê, roja jinên cîhanê pîroz be!


Şêr şêr e, çi jin e, çi mêr e!

Komeleya nivîskarên Kurd li Swêdê, 8 ê Adarê roja jinan ku wek roja jinên kedkar binav dibe, li hemî jinên cîhanê pîroz dike.

Civata Kurd û tevgera sîyasîya Kurd kêm be jî sînga xwe ji jinên Kurd re vekirîye. Ev pêngaveke pîroz e, lê têr nake. Jina Kurd ji alîyekî bi sedema asîmîlasyonê  bûye amanca dagîrkeran û ji alîyêkî din ve jî, ketîye xizmeta mêrê Kurd. Herdû alîyan jî, mecalên azadîyê nedane jina Kurd.
Jina Kurd fedekar e, dayik e, jin e û qehremana doza neteweya xwe ye.

Komeleya Nivîskarên Kurd li Swêdê, bi hemî derfetên xwe ve, li nik berxwedana jina Kurd cî digre û bi tekoşîna jina Kurd serbilind e.

Komeleya Nivîskarên Kurd li Swêdê, bi minasebeta 8 ê adarê-Roja Jinên Cîhanê-bangî hemî tevger, komele û partîyên sîyasî dike ku, mecalên taybetmend ji bo jina Kurd pêşkêş bikin da ku jina Kurd cîyê xwe yê bi rûmet di nav civatê de bigre û bibe derfeta pêşveçûna civata Kurd û Kurdistanê.

Bi minasebeta Roja Jinên Cîhanê, Komeleya Nivîskarên Kurd li Swêdê, Roja Jinên Kurd pîroz dike. Komeleya Nivîskarên Kurd li Swêdê bi dilxweşî pêşewazîya nivîskarên jinên Kurd dike ku bibin endam û bibin derfetên geşîya Komeleyê.

Komeleya Nivîskarên Kurd li Swêdê

 

Babet: Daxuyanî

Serhildana Agirî û Komkujîya Gelîyê Zîlan

Babet: Çalakî

JI RAYA GIŞTÎ RE!


Nîjadperestê Tirk Emîn Çölaşan, bi minasebeta serlêdana Serokê Kurdistana Federal  birêz Mesûd Berzanî ya Tirkîyeyê, nivîsek ji exlaq, sîyaset, rojnamegirî û mirovahîyê bêpar belav kir û di vê nivîsa xwe de bêrêzî û heqaretek mezin li serokê Kurdistanê û Alaya Rengîn kir.
Wek tê zanîn di serlêdana birêz Mesûd Berzanî de, dewleta Tirk li balafirgeha Stenbol û Enqerayê, alaya Kurdistanê li dar xistibû. Gelek tirkên nîjadperest li dijî vê helwesta dewletê rawestîyan û bi hovîtiyek nîjadperest gelek neheqî li Serokê Kurdistanê û alaya rengîn ya Kurdistanê kirin. Yek ji wan nemirov, kevneperest û nîjadperestan jî Emîn Çölaşan bû.
Komeleya Nivîskarên Kurd li Swêdê, helwesta nîjadperestên tirk û nemaze helwesta xiltê kor Emîn Çölaşanî şermezar û ruswa dike.
Divê hemû dewletên kolonyalîst û nîjadperestên wan bizanibin, ku êdî tu hêz û quwet dê nikaribe li Başûrê Kurdistanê pêvajoya serxwebûnê rawestîne. Helwesta serxwebûna Kurdistanê, sererastkirina çewtîya dîrokê ye û gelên Kurdistanê dê vê neheqîya dîrokî sererast bike.
Neteweya Kurd, bi hemû pêkhatîyên Kurdistanê, dê dewleta xwe ya serbixwe ava bikin û dê miradên nîjadperest û kevneperstên tirk, ecem û ereban di qirka wan de bimîne.
Êdî ne dûre ku alaya Kurdistanê, Alaya Rengîn jî di nav alayên dewletên serbixwe de pêl bide; êdî ne dûre ku kursîya nûnerê Kurdistana serbixwe li Neteweyên Yekgirtî de, cîhê xwe yê bi rûmet bigre.
Hewildanên nîjadperestên dagîrkeran, nîşana tirs û xofa wan bi xwe ye. Helwest û misogeriya ji bo serxwebûna Kurdistanê,  nîjadperest û dagîrkeran har û hov dikin û wan bêtir dixîne nav tevger, plan, fen û fûtên qirêjî.  Kuştin, komkujî, talan û hemû awayên tundrewî dê nekaribe pêvajoya serxwebûna Kurdistanê rawestîne. Helwesta nîjadperestên dagîrkeran beyhûde ye, lewra, Serxwebûna Kurdistanê ne dûr e!
Li hemberî hemû helwest û planên nîjadperest û dagirkerên Kurdistanê û ji bo welatekî serbixwe, miletekî azad û civateke demokratîk em refên yekitîya neteweyî û aştîya navxweyî xurt bikin!

Tiştek ji serxwebûn û azadîyê bi rûmettir tuneye!

KOMELEYA NIVÎSKARÊN KURD LI SWÊDÊ

Babet: Daxuyanî

ROJA ŞEMÎYÊ (17/12) ROJA ALAYA KURDISTANÊ YE!

Komeleya Nivîskarên Kurd li Swêdê, bangî hemû kurdên li Swêdê dikê ku
bi girseyî beşdarî xwepêşandana Roja Alaya Kurdistanê bibin û li alaya xwe ya pîroz xwedî derkevin.

Alaya Kurdistanê nîşana qehremanî û serhildanên neteweyî ye. Li alya Kurdistanê  xwedî derketin, li nirxê neteweyî xwedîderketin e.
ALA PÎROZ HILDE JOR!

Tarix: 2016-12-17
Dem: saet 14:00
Cîh: Mynttorget / Stockholm

KOMELEYA NIVÎSKARÊN KURD LI SWÊDÊ

Babet: Çalakî

Kongreya 21ê ya Komeleya Nivîskarên Kurd

Komeleya Nivîskarên Kurd li Swêdê, di 10ê kanûna 2016an de, li Kitêbxaneya Kurdî ya Stockholmê pêk anî. Di kongreyê de hinek endamên Koma Kurmancîyê jî weke mêvan beşdar bûn. Em protokola kongreyê li jêr diweşînin.

 

Protokola Kongreya KNKSyê ya 21ê                                                             

Cih: Kitêbxaneya Kurdî ya Stockholmê
Tarix: 10.12.2016
Saet: 18:00

Rojev

  1. Vekirina kongreyê
  2. Hilbijartina dîwanê
  3. Xwendina raporan
    1. Rapora xebatê
    2. Rapora aborî
  4. Minaqeşeyên li ser raporan
  5. Azadkirina Komîteya Kargêr (KK) ya ji berpirsîyarîyê
  6. Hilbijartina endamên KK
  7. Hilbijartina nûnerên Federasyonê
  8. Biryar û pêşnîyaz
  9. Dawî

    &1- Ji alîyê Nezîr Akatê serokê KNKSyê ve hat tesbîtkirin ku piranîya endamên komeleyê amade bûn. Nezîr Akat li ser vî bingehî da zanîn ku li gor destûra KNKSyê, kongre dikare bihê vekirin û ji bo biryarwergirtinê desthilatdar e. Beşdarên kongreyê ji bo pakrewanên kurd û Kurdistanê deqîqeyekê li ser pêyan rawestîyan.Ji bo pêkînana dîwana kongreyê pêşnîyaz hatin kirin. 

    &2- Mistefa Aydogan û Newzad Hirorî ji bo dîwanê hatin hilbijartin.&3- Pêşnîyaza KKyê ya di warê rojevê de li gel minaqeşeya endametîyê bi yekdengî hat qebûlkirin.

    &4- Rapora xebatê ji alîyê Nezîr Akatî ve hat xwendin.

    &5- Rapora aborî ji alîyê Zinar Soranî ve hat pêşkêşkirin.

    &6-  Beşdarên Kongreyê li ser raporan dîtinên xwe înan zimanî û bersivên pirs û rexên wan ji alîyê endamên KK hatin dan.

    &7- Endamên KKyê yên di Kongreya 20î de hatibûn hilbijartin di warê xebata xwe ya heta Kongreya 21ê de, bi yekdengî ji berpirsîyarîyê hatin azadkirin.

    &8- Ji bo Komîteya Karger ev endam hatin hilbijartin:

    Nezîr Akat, Paşa Birodirêj, Têmûrê Xelîl, Marîna Taloyan û Zinar Soran

    &9- Kongreyê ji bo destnîşankirina endamên KKyê yên esîl û cîgir desthilat da her pênc (5) endamên KKyê da di civîna KKyê ya yekem de endamên cîgir û esîl dîyar bikin.

    &10-  M. Elî Kût û Sidîq Bozarslan ji bo nûnertîya Kongreya Federasyonê hatin hilbijartin.

    &11-  Di xala pêşnîyaz û biryaran de ev pêşnîyaz hatin kirin:

  • Xurtkirina têkilîyên li gel kurdên Rûsya û Kafkasyayê
  • Nivîsîna daxuyanîyên li ser bûyerên kurdistanî û şandina wan ya ji bo deverên eleqedar
  • Bikarînana sosyalmedyayê ya bi awayekê çalaktir
  • Divê Komeleya me ji bo rewşa êzîdîyên Kurdistanê, kurdên Xoresan, Ermenistan û Kazakistanê bi dezgehên eleqedar re danûstendinê daîne û ji bo projeyên hevbeş li rêyan bigere.
  • KK di heqê zaravayên li ber wendabûnê da li ser navê Komeleyê ji UNESCOyê re nameyekê dişîne û balê dikişîne ser rewşa zaravayên kurdî û bi taybetî jî zaravayê zazakî û daxwaza lêbixwedîderketineka xurt dike.

&-11- DAWÎ

Mistefa Aydogan                                    Newzad Hirorî

Babet: Kongre

KONGREYA 21Ê YA KOMELEYA NIVÎSKARÊN KURD

Endamên hêja,

Komeleya Nivîskarên Kurd li Swêdê di vê tarîx û cihê ku li jêr hatiye nivîsandin kongreya xwe ya 20ê dicivîne. Piştî Kongreyê em dê xwarinê bi hev bixwin û şevbuhêrkekê bi hev re derbas bikin. Hun hemû bi xêr werin.

Tarîx: 2016.12.10 roja şemîyê.
Cih:    Kitêbxaneya Kurdî – Alvik
Dem:  Seet 18:00

Em hêvîdarin ku hun endametiya xwe 200 kr beriya kongreyê razînin postgiroya Komeleyê.

Kurdiska författarföreningen i Sverige
PLUSGIROT: 46 32 31-1

Bi silavên me

KOMELEYA NIVÎSKARÊN KURD LI SWÊDÊ
KOMÎTEYA KARGÊR

Babet: Kongre

Civînek li ser mûsawîyên kurdistanê li Îsraîlê

Babet: Giştî

KONGREYA 20AN YA KOMELEYA NIVÎSKARÊN KURD

Endamên hêja,
Komeleya Nivîskarên Kurd li Swêdê di vê tarîx û cihê ku li jêr hatiye nivîsandin kongreya xwe ya 20an dicivîne. Piştî Kongreyê em dê xwarinê bixwin û şevbuhêrkekê bi hev re derbas bikin. Hun hemû bi xêr werin.

 

Tarîx: 2015.12.19 roja şemîyê.
Cih:    Kitêbxaneya Kurdî – Alvik
Dem:  Seet 18:00

Em hêvîdarin ku hun endametiya xwe 200 kr beriya kongreyê razînin postgiroya Komeleyê.

Kurdiska författarföreningen i Sverige
PLUSGIROT: 46 32 31-1

Bi silavên me

KOMELEYA NIVÎSKARÊN KURD LI SWÊDÊ
KOMÎTEYA KARGÊR

Babet: Giştî

Têkiliyê kurdan û ermenîyan

Komeleya Nivîskarên Kurd li Swêdê, Kitêbxaneya Kurdî û Federasyona Komeleyên Kurdistanê  li ser “Têkiliyên kurdan û ermeniyan ji sala 1870ê û heta dawiya Şerê Cihanê yê yekê” semînerekê amade dikin. Semîner ji aliyê Ehmed Bîrewer Qoserî ve tê amade kirin.

Hemû dildarên ziman û dîroka kurdî bi xêr werin!

Roj: Yekşem, 2015-10-03
Dem: 13:00 – 16:00
Cih: Kitêbxaneya Kurdî li Stockholmê
Gustavslundsvägen 170, Alvik

Babet: Çalakî